TAGLIBRO de birdo

Nova monato.
Ĉu vi rimarkis ke la kalendaro ŝanĝis kaj aperis ligilo por la lasta monato?
Mi aranĝis ĉi tiun blogon tiel laŭ la libroj koncernantaj al Movable Type.

En Japanio komenciĝas lerneja jaro en aprilo.
Infanoj eniras elementan lernejon kiam li havas 6 jarojn.
En Japanio oni atingas la aĝon en la antaŭa tago de sia naskiĝtago.

Tial infanoj naskitaj en la 2-a de aprilo ĝis en la 1-a de aprilo en la sekvanta jaro konsistigas lernejan jaron.
Elementa lernejo konsistas el 6 jaroj, mezlernejo konsistas el 3 jaroj. Tiuj lernejoj estas devigaj, nome la registaro devas pretigi por la infanoj.
Altlernejo konsistas el 3 jaroj. Tiu ne estas deviga kaj ĝenerale oni devas sukcesi en eniraj ekzamenoj.

Post altlernejo estas universitato, kolegio kaj aliaj.

La supra estas la elementa sistemo, tamen nun estas aliaj sistemoj.
Estas Mez-alt-lernejo, kiu konsistas el 6 jaroj kaj anstataŭas mez- kaj alt-lernejojn.

Oni ĝenerale tradukas la Tennoon imperiestro. Tamen Japanio ne estas imperio, tial imperiestro ne povas esti.

La japana konstitucio diras ke la Tennoo estas la simbolo de Japanio kaj ke la Tennoeco estas hereda. Kaj la Kodo por la Tennoa Familio difinas ke viroj el la virflanka devenlinio de la Tennoa Familio heredas la Tennoecon. Tamen la nuna Tennoo havas nur du filojn, kaj post la pli juna filo viroj ne naskiĝis en la Tennoa Familio. La filoj havas nur filinojn.

Nun oni diskutas ĉu virinoj heredu la Tennoecon aŭ ne.

Japanaj altlernejoj klasifikiĝas en du kursoj: regula kaj profesia.
La lernejo, kie mi instruas matematikon, estas profesia.
En Osako, kie mia lernejo estas, altlernejoj klasifikiĝas en multaj kategorioj, tre malsimplaj: regula kurso(ĝenerala), regula kurso kun ĝenerala sistemo de elekto, kolektiva kurso, profesia kaj aliaj. Mi ne povas klarigi kio estas malsamaj inter ili.

En ĉi tiu jaro estas tre malvarme en Japanio.
En la nordaj partoj neĝas en vintro. Tamen en ĉi tiu vintro tro neĝas. Multaj domoj rompiĝis pro neĝamaso sur tegmento. Oni devas forŝoveli neĝamason de tegmento kaj en ĉi tiu vintro tre ofte. Multaj homoj falis dum forŝovado kaj mortis.

La tero estas en eksterordinara stato.

Hodiaŭ estas japana festotago de la Fondiĝo.
Tamen antikve Japanio ne estis unuiĝinta, dividiĝis en multaj landoj.
Do, kiam Japanio fondiĝis?
Leĝendo diras ke la unua Tennoo estas Zinmu(legu Ĝimmu), kaj oni diras ke li enkroniĝis en la 11-a de februaro laŭ la nuna kalendaro.
Tamen multaj historiistoj dubas ke li vere estis, kaj pensas ke la "deka" Tennoo Suｚin(legu Suĝin) estas la vera "unua".

Japanoj havas du nomojn: nome familian kaj individuan.
La familia nomo venas en la unua loko kaj la individua en la dua. Ekzemple la nuna ĉefministro estas Koizumi Zyun'itiro(Legu Ĝun'iĉiro, elparolu Ĝun kaj iĉiro aparte).
Multaj japanoj interŝanĝas la lokojn kiam ili parolas aŭ skribas en la angla kaj aliaj ligngvoj akordigante al la kutimo de tiaj ligvoj.
Koreoj kaj ĉinoj havas ankaŭ du nomojn kaj metas la familiajn kaj individuajn nomojn same kiel japanoj. Tamen ili metas siajn nomojn en la sama loko malkiel multaj japanoj.

En Osako ni akceptas aliĝilojn al la publikaj altlernejoj hodiaŭ kaj morgaŭ.
En Osako la enira ekzameno al publikaj altlernejoj konsistas el du periodoj: la unua en februaro kaj la dua en marto.
La tago de la ekzameno por la unua periodo estas la 23-a de februaro, kaj tiu por la dua estas la 16-a de marto en ĉi tiu jaro.

En la 23-a de ĉi tiu monato la aliĝintoj sidiĝis por la enira ekzameno.
Ni afiŝos la liston de la sukcesintoj en la 2-a de marto.
Estas longa kaj laciga laboro por ni.